Kumpulan Do'a-do'a Dina Basa Sunda

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِ وَالْمُسْلِمِيْنَ وَالْمُسْلِمَاتِ الأَحْيَاءِ مِنْهُمْ وَاْلأَمْوَاتِ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ

Ya Allah, hapunten sadaya kaum mu’mini kalih mu’minat, kaum muslimin kalih muslimat, anu masih jumeneng oge anu parantos ngantunkeun. Saestuna Anjeun teh dzat nu Maha Ngadangu, Maha Caket, dzat anu ngabulkeun do’a.

رَبَّنَا اغْفِرْ لَنَا وَلِإِخْوَانِنَا الَّذِيْنَ سَبَقُوْنَا بِالْإِيْمَانِ وَلَا تَجْعَلْ فِيْ قُلُوْبِنَا غِلًّا لِلَّذِيْنَ آمَنُوا رَبَّنَا إِنَّكَ رَءُوفٌ رَحِيمٌ

Nun Rabb abdi sadaya, hapunten abdi sadaya kalih wargi-wargi abdi sadaya anu parantos iman langkung tipayun tibatan abdi sadaya, sareng mugi Anjeun teu kenging ngantep aya kadengkian dina hate-hate abdi sadaya ka jalmi-jalmi anu ariman. Nun Rab abdi sadaya, saestuna Anjeun Maha Berehan sareng Maha Miheman.

اَللَّهُمَّ آمِنَّا فِيْ أَوْطَانِنَا وَأَصْلِحْ أَئِمَّتَنَا وَوُلَاةَ أُمُوْرِنَا وَاجْعَلْ وِلَايَتَنَا فِيْ مَنْ خَافَكَ وَاتَّقَاكَ وَاتَّبَعَ رِضَاكَ يَا رَبَّ الْعَالَمِيْنَ. اَللَّهُمَّ وَفِّقْ وَلِيَّ أَمْرِنَا لِهُدَاكَ وَاجْعَلْ عَمَلَهُ فِيْ رِضَاكَ، وَارْزُقْهُ الْبِطَانَةَ الصَّالِحَةَ النَاصِحَةَ يَا رَبَّ الْعَالَمِيْنَ

Ya Allah, paparin abdi sadaya kamananan di negeri abdi sadaya, jantenkeun pamingpin abdi sadaya sareng penguasa abdi sadaya jalmi-jalmi anu sholeh. Jantenkeun loyalitas abdi sadaya kanggo jalmi anu ngaraos sieun ku Anjeun, takwa ka Anjeun, lajeng nuturkeun ridha Anjeun, ya Rabbal ‘alamin.

Ya Allah, paparin taufik kanggo para pamingpin abdi sadaya supados kenging hidayah, jantenkeun sikep sareng laku lampah aranjeuna luyu sareng karidoan Anjeun, sareng paparin sobat deukeut anu sholeh kanggo aranjeuna, yaa Rabbal ‘alamin.

رَبَّنَا اغْفِرْ لَنَا وَلِوَالِدَيْنَا وَارْحَمْهُمَا كَمَا رَبَّيَانَا صِغَارًا

Ya Allah, mugi ngahapunten abdi sadaya sareng Ibu Rama abdi sadaya, paparin aranjeuna rohmat sakumaha aranjeuna ngatik ngadidik abdi sadaya dina waktos alit.

رَبَّنَا اغْفِرْ لَنَا ذُنُوْبَنَا وَإِسْرَافَنَا فِيْ أَمْرِنَا وَثَبِّتْ أَقْدَامَنَا وَانْصُرْنَا عَلَى الْقَوْمِ الْكَافِرِيْنَ

Nun Rabb abdi sadaya, hapunten dosa-dosa abdi sadaya sareng sagala tindak tanduk abdi sadaya anu kaleuleuwihan dina urusan abdi sadaya, pancegkeun pendirian abdi sadaya, sareng lungsurkeun pitulung ka abdi sadaya tina kajahatan kaum kafirin

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ

Nun Rabb abdi sadaya, paparin abdi sadaya kamaslahatan di dunya sareng kamaslahatan di akherat, tangtayungan abdi sadaya tina siksa naraka.

وصلى الله على نبينا محمد وعلى اله وصحبه أجمعين

سُبْحَانَ رَبِّكَ رَبِّ الْعِزَّةِ عَمَّا يَصِفُونَ وَسَلَامٌ عَلَى الْمُرْسَلِينَ وَالْحَمْدُ لِلَّهِ رَبِّ الْعَالَمِينَ